స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ మంగళవారం నాటి ఎపిసోడ్ -992 లో.. మహేంద్ర ఐడెంటిఫికేషన్ కోసం హాస్పిటల్ కి వెళ్ళాడని తెలిసి ఫణీంద్ర బాధపడుతుంటాడు. వాళ్ళింటికి వెళదాం అని ఫణీంద్ర అనగానే.. వాళ్ళే కాల్ చేస్తారులే అని దేవయాని అంటుంది. అలా అనగానే ఫణీంద్ర తనపై కోప్పడతాడు. కాసేపటికి అందరు మహేంద్ర ఇంటికి వెళ్తారు. ఆ తర్వాత మహేంద్ర కి ఫోన్ చేసి.. అక్కడ ఏం అన్నారో కనుక్కోమని చక్రపాణి అనగానే.. ఏం అంటారు అది రిషి సర్ బాడీ కాదు అని చెప్తారు. లాస్ట్ టైమ్ కూడ ఇలాగే జరిగిందని అనువసు అంటుంది.

ఆ తర్వాత రిషి సర్ కి ఏం కాదు కదా మేడమ్ అని అనుపమని వసుధార అడుగుతుంది. ఏం కాదు నువ్వు కంగారుపడకని అనుపమ దైర్యం చెప్తుంది. ఆ తర్వాత మహేంద్ర, ముకుల్ అక్కడికి వస్తారు. ఏమైంది మావయ్య అక్కడ రిషి సర్ కాదు కాదా అని అడుగుతుంది. లేదమ్మ అక్కడ రిషినే అంటూ మహేంద్ర ఏడుస్తాడు. అయిన వసుధార నమ్మకుండా మీరు చెప్తుంది అబద్ధమని అంటుంది. లేదు మేడమ్ నిజమని ముకుల్ చెప్పిన కూడా వసుధార నమ్మదు. అంతలోనే ఫణీంద్ర, దేవయాని, శైలేంద్ర అక్కడికి వస్తారు. ఏం జరిగింది మహేంద్ర అని ఫణీంద్ర అడగ్గానే.. రిషి లేడని చెప్తూ మహేంద్ర ఏడుస్తాడు. ఫణీంద్ర, ధరణి ఇద్దరు షాక్ అవుతారు. కానీ శైలేంద్ర, దేవయాని ఇద్దరు మాత్రం హ్యాపీగా ఫీల్ అవుతుంటారు. ఆ తర్వాత నువ్వే ఏదో చేసావ్? రిషి సర్ ఎక్కడ అంటు శైలేంద్ర కాలర్ పట్టుకొని వసుధార అడుగుతుంది. దేవయాని, ముకుల్ ఇద్దరు కలిసి వసుధారని ఆపుతారు. ఆ తర్వాత రిషి చనిపోయాడని అనడానికి సాక్ష్యం ఇదిగో అని ముకుల్ వసుధారకి ఫోన్ లో ఏదో చూపిస్తాడు.. అయిన నేను నమ్మను.. నేను తెలుసుకుంటాను అంటు వసుధార బయటకు వస్తుంది.

ఆ తర్వాత వసుధార ఒక చోటుకి వచ్చి.. రిషి లేడని మహేంద్ర చెప్పిన విషయాన్ని గుర్తుకుచేసుకొని ఏడుస్తుంది. అప్పుడే వసుధారకి ఎవరో వాటర్ ఇస్తారు. ఎవరని వసుధార చూసేసరికి.. అక్కడ ఉంది రాజీవ్. ఇద్దరికీ కాసేపు గొడవ అవుతుంది. రిషి లేడంట కదా.. ఇక నిన్ను పెళ్లి చేసుకుంటానని రాజీవ్ వసుధార చెయ్యి పట్టుకొని లాక్కొని వెళ్తుంటే.. అప్పుడే ఎక్స్ క్యూజ్ మి అంటూ ఒకతను వస్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.